Հայաստանում տեղակայված ռուսաստանյան ռազմաբազայի անօդաչու թռչող սարքերը (ԱԹՍ) 2016-ին շուրջ 20 հազ. կմ թռիչքներ են կատարել, «Կամխուդ», «Ալագյազ» եւ «Փամբակ» բարձրադիր զորավարժարանների երկնքում անցկացնելով շուրջ 200 ժամ:
«ՌԴ ռազմաբազայի անօդաչու թռչող սարքերը կիրառվում են հետախուզական ստորաբաժանումների համար, վարժանքների ընթացքում զինծառայողների գործողություններին հետեւելու, ավտոմեքենային եւ զրահատանկային շարասյուններին ուղեկցելու, ինչպես նաեւ հրետանային եւ տանկային հրաձգության ժամանակ կրակի ուղղության ճշտգրտման համար», - ասվում է հաղորդագրության մեջ: