ՀՀ-ի համար ռուսական գազի գնի զեղչի երկարաձգումը կախված է Կրեմլում նախագահների հանդիպման արդյունքներից, սակայն դրանց տրամադրման հավանականությունը մեծ է:
Գազպրոմում և էներգետիկայի նախարարությունում հրաժարվել են մեկնաբանություններից՝ համաձայն է արդյոք Մոսկվան զեղչերի: Սակայն Կոմերսանտի աղբյուրները նշում են, որ ՀՀ-ի համար սակագների բարձրացումը շատ ցավոտ կլիներ:
ՀՀ կառավարությունը նախօրեին հավանության է արժանացրել հայ-ռուսական համաձայնագրիը՝ գազի գնի և 2013թ.-ին ԱրմՌոսգազպրոմում առկա մասնաբաժնի վաճառքի վերաբերյալ: Ըստ այդ փոփոխությունների ՀՀ-ի համար գազի գինն առաջին կիսամյակում կմնա 165 դոլար, ինչպես 2015թ.-ի վերջին: Նախորդ տարվա սեպտեմբերին Գազպրոմը նվազեցրել էր ՀՀ-ի համար գազի գինը նախկինում հազար խմ-ի համար 189 դոլարից մինչև 165 դոլար:
Թեև 2016թ.-ից գազի գինը ՀՀ-ի համա պետք է վերադառնար նախկին մակարդակին, ՀՀ իշխանությունները դեռևս աշնանից դիմեցին Մոսկվային վերանայել գազի գինը դեպի նմազում: Նախօրեին ՀՀ նախագահ Սերժ Սարգսյանըժամանել էր Մոսկվա և Կրեմլում Վլադիմիր Պուտինիհետ հանդիպման ընթացքում քննարկվել է նաև գազի գինը:
Կոմերսանտի աղբյուրի տեղեկություններով, այսօր պարզ չէ, թե ինչպես հեռանկարում կլուծվի այդ հարցը, քանի որ Գազպրոմի մատակարարումները ՀՀ-ին շահավետ չեն՝ տեղափոխության մեծ ծախսերի հետ կապված: Երկիրը օգտագործում է տարեկան մոտ երկու միլիարդ խմ գազ և եթե զեղչերը գործեն անընդհատ, ապա Գազպրոմը կկորցնի 48 միլիոն դոլար:
Դրա հետ մեկտեղ ՀՀ մնում է Գազպրոմի խոշորագույն և վստահելի շուկան Անդրկովկասում:
Small Letters վերլուծաբան Վիտալի Կրյուկովի խոսքով, ՀՀ-ի համար զեղչերը անհրաժեշտ են ոչ թե շուկան պահպանելու, այլ քաղաքական նպատակների համար՝ գազի ցածր գները մտնում են ՌԴ-ի աջակցության փաթեթի մեջ, որը Մոսկվան առաջարկում է ԵԱՏՄ-ի իր դաշնակիցներին: