Մերձավոր Արևելքի և Կենտրոնական Ասիայի երկրների ուսումնասիրությունների կենտրոնի տնօրեն Սեմյոն Բաղդասարովը հայտարարել է, որ ԱՄՆ–ի նախագահ Դոնալդ Թրամփի `Սիրիայում անվտանգության գոտիներ ստեղծելու մասին որոշումը կարող է այդ երկրից դուրս մղել ռուսական ավիացիան, փոխանցում է НСН–ը։
«Դա պատասխան է Թրամփի հարցում մեր բոլոր լավատեսներին։ Նա կարող է էլ ավելի հեռուն գնալ։ Անվտանգության գոտիներում կարող են արգելվել մեր և սիրիական ավիացիայի թռիչքները։ Դա իհարկե կանեն անօրինական»,–նշել է նա։
ԱՄՆ նախագահ Դոնալդ Թրամփըհայտարարել է, որ ինքը «Սիրիայում հաստատ անվտանգության գոտի կստեղծի» փախստականների համար, որոնք բռնությունից թաքնվում են պատերազմով բռնկված երկրում: Նա նշել է, որ աշխարհը «չար» է դարձել եւ վերածվել է «լիակատար քաոսի», փոխանցում է «Ամերիկայի ձայն»-ը:
АВС News-ի հետ հարցազրույցում Թրամփն ասել է, որ Եվրոպան հսկայական սխալ է թույլ տվել Սիրիայից եւ Մերձավոր Արեւելքի այլ «թեժ կետերից» միլիոնավոր փախստականների ընդունելով: «Ես չեմ ցանկանում, որ դա այստեղ էլ պատահի: Ես հաստատ Սիրիայում մարդկանց համար անվտանգության գոտիներ կստեղծեմ»,- ասել է նա՝ մանրամասների մեջ չխորանալով:
Reuters-ին հասանելի դարձած փաստաթղթի համաձայն՝ առաջիկա օրերին Թրամփը Պենտագոնին եւ Պետքարտուղարությանը կկարգադրի «անվտանգության գոտիներ» ստեղծելու ծրագիր մշակել: Թրամփի ստորագրությանը սպասող հրամանագրի նախագծով կոչ է արվում «Սիրիայում եւ շրջակա տարածաշրջանում» այդպիսի գոտիներ ստեղծել: Դրա հետ մեկտեղ, փաստաթղթում մանրամասներ չկան, թե անվտանգության գոտիներն իրենցից ինչ են ներկայացնելու, հատկապես որտեղ են ստեղծվելու, եւ ով է դրանք պաշտպանելու:
ՌԴ–ի նախագահի մամուլի խոսնակ Դմիտրի Պեսկովըհայտարարել է, որ ԱՄՆ–ն պետք է հաշվարկի Սիրիայում անվտանգության գոտիների ստեղծման բոլոր հետևանքները, փոխանցում է lenta.ru–ն։
Նրա խոսքով, կարևոր է, որ դա չբարդացնի իրավիճակը փախստականների հետ։ Պեսկովը նաև նշել է, որ Վաշինգտոնն այդ հարցում չի խորհրդակցել Մոսկվայի հետ։